Marilyn Monroe

Marilyn Monroe (* 1. Juni 1926 ä Los Angeles; † 5. Aujust 1962 ä Los Angeles) wood als Norma Jeane Mortenson jeboore. Sö woch ön Schauspellerin, Sängerin un Herstellerin va Filme us d USA.

Hör Lääve ·

Norma Jeane woch ö net jeplande Kengk van d Filmschniiderin Gladys Pearl Mortenson, di ö Küddelche met Charles Stanley hod. Dä woch hörö Vörjesetzde. Charles leed Marilyns Mamm ävver setze, als hä hood, dat sö ä Ömständ woch, un had sich ni zo hör bekannd.

Marilyns Mamm hod ö bewächd Lääve. Sö woch met John Baker vorhiirod, leed sich scheede un hiirode dann noch ens. Desmol held dat ävver och mä ö paar Wäche, iih di zwei wärm ussereeh jänge. Jescheede wode sö ävver iisch em Joohr 1928.

D ischde 6 Joohre vorbraad Marilyn meeßd beij d Nobbere, do hör Mamm werke moot. Öt koom zo önö Närvezesammebroch. 1935 wood Marilyn en ö Heim jescheckt. Als hörö Vörmond sich wäje önö Ömzoch net mi öm sö kömmere kutt, wood sö em Alder va 16 Joohr vorhiirod. Dörch di Hiirod mood sö d Schüll vorlosse un bleed ohne Aavschloss.

Am Äng vam Zweide Weltkresch werkde sö en ön Fabrik, wood ävver 1945 Fotomodel. Öt duurde net lang, do wood Marilyn ö bekannd Pin-up-Girl.

Marily weed ön bekannde Schauspellerin ·

Marilyn em Joohr 1945

Di ischde Belder va Marilyn erscheene Medde 1945 en ön Ziidung. Dodörch wachjeröddelt, wood sö Fotomodell un liirde, sich vöör Kameras vornönftich z bewäje. Ävver dobeij bleed öt net. Sö leed d brung Haare blond värve un ändernde dr Naam va Norma Jeane Mortenson op Marily Monroe.

1946 kräät Marilyn hörö ischde Vordrach beij d Filmjesellschaff 20th Century Fox, un bald drop song sö hör ischde Läddche un spelld kleng Nävverolle ä Filme.

D Rolle, di Marilyn övvernomm, wode jrüüßer un jrüüßer. Öt wore z Aavang meeßd winnijer bekannde Filme, ävver öt wore och ö paar bekannde dobeij. 1950 boon mo hör önö 7-Joohresvordrach a, däm sö ongerzeechnede, hör ävver komm Rääte als Schauspeller leed.

Zo önö Sex-Skandal koom öt, als Belder erscheene, di Marily nakß zeechde. Di wore 1949 jemaad wode un zeeje hör puddelnakß op ö ruuh Stöck Stoff liije. Marilyn erklärde di Opnahme domet, dat sö d Miit vöör hör Wonnek zahle mood. Ön Antwood op ön Vroch van önö Ziidungsschriiver made hör bekannd. Dä woohl wesse, övv sö werklich nüüß ahod. Marilyn saad häm: „Jowaahl! Ö Radio!“

Ä Filme spelld sö meeßd d Roll van öt naiv blond Vrommisch. Su wood dö Roll en öt Musical Blondinen bevorzugt zo enn van hör beidzde Filmrolle.

Marily Monroe un John F. Kennedy

En di Zitt veel dr KoreakriegKoreakresch un Marily besood di Soldate un song Läddcher vöör se. Wi döck droch sö dobeij ävver mä knappe Kleer. Dodörch erkrankde sö un kräät ön Lungeentzündung.

Em Joohr 1955 hod Marilyn jenoch dova, sich övver Produzente z ärjere. Su maade sö hör eeje Filmfirma op, d Marilyn Monroe Productions Inc., di hör zo 51 % jehood. Dä Rest va 49 % jehood Milton H. Green.
1956 trock Marilyn no New York, wo sö vorsood ön bessere Schauspellerin z wäde. Usserdäm leed sö vöör öt Amt hörö Naam va Norma Jeane Mortenson ä Marilyn Monroe ändere.

Watt mo ä hör Filme net merkt, woch, dat sö met prevate Schwirichkeete net vädich wood. Sö nomm Tablette. Döck vorjoss sö an dr Driihdach z komme övv woss net mi, watt sö saare mot.

1962 driihnde sö dä Film „Something’s Got to Give”, önö Film, dä ni vädisch wode es. Sö melde sich döck krank un koom selde zm Driihne. En di Zitt veel hörö Optrett beij dr Jeburtsdach van John F. Kennedy. Do song sö dat Läddche „Happy Birthday, Mr. President“, watt d Filmjesellschaff Fox net zoleed. Marilyn wood entlosse. Sich krank melde un dann vöör önö Präsident senge, dat kutt Fox net akzepteere.

Hör Prevatlääve ·

Marily hiirode am 19. Juni 1942 James Doughterty. Dat held ävver net lang, un am 13. September 1946 leete sö sich scheede. Dono hiirode sö Joe DiMaggio, ävver di Huchzitt am 14. Januar volchde d Scheedung komm 9 Mond spiidr am 31. Oktober 1954. Am 29. Juni 1956 hiirode Marilyn ö dreide Mol. Desmol wood sö d Vrau va Arthur Miller. Us Leevde zo häm wood sö ön Jüddin. Hör jeveel öt en d Famelisch va Arthur Miller un sing Kenger us ischde Ehe siihr jott. Eeje Kenger kutt sö net kriije, övvwaahl sö dat wärm un wärm vorsood. 3 Fehljeburte veele vöör. Am 20. Januar 1961 joofe beede bekannd, dat sö sich trenne wöde. Als Jrond saad Arthur Miller, dat hä met all di Tablette, di sö nöhm, net parat kööm un Marilyn beschriivd, dat hä net jott ä si Tareboch övver hör jeschrävve höd, sö dorän als ön Kengßvrau bezeechnet hod.

Hörö Duud ·

Marilyn Monroe storv en d Naaht vam 4. Aujust op dr 5. Aujust 1962 ä Los Angeles. Sö wood 36 Joohr alt. Sö soll zövöll Schlofftablette jenomme ha. Marilyn wood am 8. Aujust en önö Bronßesärch op dr Westwood Village Memorial Park Cemetery bejraave.

Jätt z lääse ·

• Hör Siij

Commons: Marilyn Monroe — Bilder, Filemche, un Tön op Wikkimedija Commons